在前文《香港華爾街的孩子》裏，孜媽延伸我對曾子墨的看法，就中港兩地的精英，作了如此比較：
" 國內同胞有時很可愛，投行也好文人也好，總給我二極化的感覺，要麼極為厚道老實有深度，要麼極為功利膚淺趾高氣揚。但他們總體而言，知識面比同齡香港人 廣，關心的事情較為宏觀，普遍追求體面點的東西，所以什麼美女廚房﹑口靚模是不可能在大陸流行。有時侯覺得他們沒什麼誠信，樣樣求求其其。但在大陸又有很 多公司經營上億的生意不用銀行貸款，完全靠朋友間借貸，利息比銀行高，沒任何手續，這種信在香港又是不可思議的。"
我有感而發，便道：
"港人有許多缺點，也如你所說，知識面不夠廣也不夠深。只是與內地的精英相比，港人勝在正直(integrity)、專業、守法，公民素養較佳。這些特質，內地精英恐怕很不屑呢，他們似乎太注重以名成利就來衡量一個人了。說到價值觀，港人有其可愛之處。"
始料不及的是，這引起了港燦的興趣，洋洋灑灑地寫了一段回應下來。我看了又看，覺得很值得和大家分享：
"香港既同學只要唔好學以前既我咁，除 past paper，study pack 及雞精書外謝絕所有讀物，一定可以追到內地同學既視野，知識既深度及廣度。響香港無論透過上網，買書，或參加各類活動獲取知識，相比內地方便及自由。關鍵 在於，你有無決心去解開各種心障，令學習成為嗜好，心癮，而非負擔。
較輸蝕比內地生，但仍有機會補救既，係生活體驗。
香港同學既生活體驗，大部分源自屋企 、屋苑會所、學校、補習社、商場及康文署管理既場所。佢地有個共通點 - 場所內每個人既行為及活動空間，無時無刻都受高度管理。結果係，就算場所內有任何突發事件，同學們也不用/不能自行諗計應付，因管理者會先行替你解決。
大陸同學呢 ? 上述場所帶比佢地生活體驗所佔既比重無香港既咁大。耕地、魚塘、農貿市場、工廠、礦山、垃圾場、火車站 ... 比到佢地更多生活體驗。呢 d 場所既共通點係，理論上有，但實際無王管。大陸同學響呢 d 場所須隨時自行應付各種意外。年紀小小就要養成一種，響香港呢個處處受高度管理既城市長大既孩子，所欠缺既應付危機能力。
我老婆響大陸出世，讀完初中至移民來港。佢唔止一次同我講，由於內地太多亂規劃 / 欠完善規劃既城市及鄉鎮，每個大陸人響成年前，至少已親歷一次天災/人禍，包括水災、持續兩日 40 度或以上既熱浪、雪災、大旱、走火警、被拐賣、打劫、打荷包、食水污染或車禍。
此外，內地年青人有三樣較香港年青人強既風氣 :
- 較肯自細離鄉別井，告別屋企的 comfort zone，出城、跨省、出國打工或升學，四處流浪找機會，以及愛幾個同學埋班搞自助單車、火車旅遊
- 愛 DIY，山寨，尤其是自製電子、影音器材或配件
- 較敢趁後生創業。我太太話，一個小鎮只要有間啤 cap 帽既廠，就會有個學鄭金鈴自己設計 cap 帽放上網賣既細路
上述三種風氣，令內地的年青人較香港既敢趁後生冒險，靠自己 / 自組團隊解決種種難題。
香港既同學可以點補救 ? 暫時想到既，係課餘多點試試各種不同性質既義工，參加各類團隊活動，未搵到工也自行搞些義工團 / 自製兼職 (例如昨日明報報導的 "高登義工補習團" 及自製期刊)，唔好獨沽一味呆坐電腦前下載0靚模寫真或漁翁撒網寄 resume。
既然現時讀大學不但不能保証獲取入職敲門磚，連貼錢打工的機會都唔多，何不自細，趁父母未須你供養時，就自己的興趣、網絡及能力，抓機會試試各種雖可能要倒貼車馬費，但可以累積實際經驗，從而測試出自己適合從事那類行業的工作 ?
父母及長輩既壓力，僵化既課程及教學方法，繁重既功課與課外增值班，以及網上由 "四代香港人" 引發的各種，好易令年青人未踏足社會，腦裡已充滿無奈及無力感既討論，使自己細細個就喪失對身邊事物既好奇心及求知欲，找不到目標，失去自信，繼而自閉， 再成毒男腐女，甚至開始靠濫藥或吸毒逃避現實。
時刻提醒自己，切勿除0靚模的身體外，對天下萬物失去興趣。
共勉之。
No comments:
Post a Comment