[齊齊學語文]★小心共式中文，遠離五毛打手

共化中文其實有一定模式 
除左可以避過中共國打手洗腦之外 
亦能避免自己無意間使用而寫出不通句子 
以下做少少介紹

 ‧「...向...」句式、「...對...」句式 
有部分時間真係有必要咁寫 但大部分XX向XX乜乜乜 或者 YY對YY物物物 
係可以將佢轉成 XX乜乜乜XX OR YY物物物YY 
例如「我對佢既做法產生不滿」可以改成「我不滿佢既做法」 
而後者比較簡潔鮮明有力 

‧加上誇張用詞，不恰當使用修辭 
共式中文好多時都會將一件事誇張化，加上一D冇必要既修飾，但你唔會覺得真係好威威，反而一陣娘味。 
比如「極其沉痛地哀悼鄧小平同志」，極其兩隻字係誇張化，冇必要寫，而哀悼一定係沉痛，所以頭四隻字可省略 
又或者係「旗幟鮮明地反對曾蔭權貪污」，旗幟鮮明四隻字用到濫晒，乜柒都旗幟鮮明一餐 而且修辭怪異，旗幟鮮明本來應該形容軍隊排列整齊

‧使用怪異方言，或字眼太俗，或意義不明  宜家香港特區成日講「班子」前「班子」後，事實上直觀「班子」二字你係唔能夠理解佢個意思，事實上正確講法應該係「內閣」，「班子」係陝西土話  又例如「中聯辦」、「XX辦」呢D，本身應該叫XX辦公室，但辦公室事實上係指一個陝小地方，本義唔係指某一機構，通順中文應該講辦事處，XX局，XX機構  方言之中尤以使用北方方言、北京方言最多，乜鳩都加個兒字落去  ‧硬譯英文，搬字過紙，狗屁不通  經常見到「XX扮演重要角色」，即英文之Play an important role on XX，根本又死板又唔知做乜叉，第一次聽到真係r頭，通暢既中文應該話「XX積極參與」、「XX表現活躍」  類似例子仲有好多，共式中文經常使用歐化句式，例如倒裝句(乜乜被乜乜/乜乜遭受乜乜)，建議將被動句掉翻轉做主動句，會比較通順

香港傳媒一早已經共化，求其嚮港台搵篇文 

埃 及 軍 方 曾 經 承 諾 在 大 選 後 將 權 力 交 出 。 預 料 總 統 選 舉 第 二 輪 投 票 結 果 ， 會 在 本 月 21 日 公 佈 ， 相 信 軍 方 會 在 本 月 底 前 ， 將 權 力 移 交 民 選 政 府 。 

可以咁改 

埃 及 軍 方 曾 經 承 諾 在 大 選 後 交 出 權 力 。 預 料 本 月 21 日 將 會 公 佈 總 統 選 舉 第 二 輪 投 票 結 果 ， 相 信 軍 方 會 在 本 月 底 前 ， 移 交 權 力 予 民 選 政 府 。

中國幾千年歷史形成左嚴謹既文官傳統 
省部司署局廳處科所股組 
代表左高至低級 
辦公室﹐只係一個建築物 

共產黨好鍾意將動詞當名詞用 
例如樓主既例子: "S不滿O"變成"S對產生不滿O" 
"S祝賀O"變成"S向O發出祝賀" 
可能係大陸覺得咁樣好睇D掛 
大陸人好似叫依D做官話